فنون

حمو بيكا: موافق أغيّر اسمي الفني.. اعتبروني من دلوقتي محمد محمود (فيديو)


02:25 م


الثلاثاء 18 يناير 2022

كتب- عبد الفتاح العجمي:

أعرب مطرب المهرجانات حمو بيكا، عن استعداده لتغيير اسمه في مقابل موافقة نقابة المهن الموسيقية على تقنين أوضاعه.

وردا على سؤال “عندك استعداد تغيّر اسمك الفني؟”؛ قال بيكا: “أنا أغيّر حياتي كلها.. أنا عايز أشتغل.. مش أغيّر اسم بيكا بس لأ حياتي كلها.. أنا عايز أكل عيش والله العظيم”.

أضاف خلال مداخلة مع الإعلامي عمرو أديب مقدم برنامج “الحكاية” عبر قناة “mbc مصر”: “أنا اسمي الحقيقي (محمد محمود) والدلع حمو.. وأنا موافق إن اسمي الفني يبقى محمد محمود.. اعتبروني من دلوقتي محمد محمود.. أنا معنديش أي مشكلة خالص.. كل مشكلتي إني عايز أكل عيش، يشيلوا اسم بيكا يحطوه يعملوا اللي هما عايزينه معايا موافق”.

وعلّق محمد أبو اليزيد وكيل أول نقابة المهن الموسيقية على ما قاله بيكا؛ قائلا: “حمو ورقه كله سليم، يمكن كان أكتر واحد لما قدّم كان ورقه سليم كله، هي المشكلة كلها إن حمو كان بدأ يتدرب لكن بعد كده يظهر إن شغل الساحل خده من التدريب ومبقاش يحضر، ولكن عنده فرصة يدخل الاختبارات تاني”.

وكان محمد أبو اليزيد وكيل أول نقابة المهن الموسيقية، قال إن بعض أسماء مطربي المهرجانات ليست مقبولة، مضيفا: “من غير المعقول أن يكون اسم مطرب (حمو الطيخا) وهو اسمه الحقيقي حمو رجب، ونحن لم نضع شروط، ولكن بعض الأسماء ليست مقبولة، لذلك يجب أن يتم تغيير الاسم، واجتياز الاختبار وشهادة الخدمة العسكرية”.

وكانت نقابة المهن الموسيقية، أعلنت في 17 نوفمبر 2021، عن قائمة تضم مطربين وفرق مشهورة بتقديم المهرجانات، شملها قرار المنع من الغناء، وهم: أبو ليلة، الديزل، الزعيم، العصابة، المدفعجية، أوكا وأورتيجا، حسن شاكوش، ريشة كوستا، علي سمارة وأحمد عوت، الدخلاوية، ولاد سليمان، حمو بيكا، شواحة، نجوم المهرجانات، علاء فيفتي، عمر كمال، عمرو حاحا، فرقة الصواريخ، فرقة العفاريت، فرقة الكعب العالي، كزبرة وحنجرة، مجدي شطة، وزة مطرية، وعنبة.

اترك تعليقاً

لن يتم نشر عنوان بريدك الإلكتروني.