أثار الإعلان الترويجي لفيلم ولاد رزق 3 غضب الكثير من جماهير الزمالك وذلك بعد السخرية من انتقال إمام عاشور إلى الأهلي بمشاركة اللاعب نفسه وكذلك مارسيل كولر مدرب الأهلي وثنائي الفريق محمد عبد المنعم ومحمد مجدي أفشة.
الاستعانة بلاعبي الأهلي مع كولر
وبدأ الإعلان بلقاء إمام عاشور بزميله محمد عبد المنعم في إحدى السينمات لمشاهدة فيلم “ولاد رزق 3″، وسأله الأخير عن سبب قدومه إلى هنا، ليتفاجأ الثنائي بدخول محمد مجدي أفشة من باب السينما ثم ظهر السويسري مارسيل كولر مدرب الفريق.
وفيلم “ولاد رزق… القاضية” بطولة أحمد عز، وعمرو يوسف، وكريم قاسم، وآسر ياسين، وسيد رجب، والملاكم العالمي تايسون فيوري، ونجوم الشرف: كريم عبد العزيز، وأحمد فهمي، ورزان مغربى، تأليف صلاح الجهيني، وإخراج طارق العريان.
ويعد الفيلم من إنتاج تركي آل الشيخ ضمن موسم الرياض ولكن جماهير الزمالك رأت سخرية من الزمالك حيث قال الفنان سيد رجب: “تعالى الأهلي يا رضا ده إمام جه الأهلي بطولات” في إشارة إلى رحيل إمام عاشور عن الزمالك وانتقاله إلى الأهلي.
جماهير الزمالك تعلن مقاطعة فيلم اولاد رزق
وجاءت أغلب التعليقات من جماهير الزمالك الغاضبة على النحو الآتي: صفحة الزمالك فور إيفر كتبت: “الزملكاوية مقاطعين ولاد رزق 3 ومش هيشوفوه خلوا إمام ينفعكم”.
صفحة إيطاليان زملكاوي كتبت: “لما بيعوزوا يعملوا حاجة تتشاف بيتريقوا على الزمالك لكن احنا هنقاطع الفيلم وهيفشل كالعادة”.
صفحة المختلط كتبت: “إمام عاشور اللي كان بيعيط على الزمالك في نهائي القرن منافق دلوقتي وطالع يقول القاضية ممكن”.
صفحة زملكاوية في كل حتة كتبت: “انسوا نجاح فيلم ولاد رزق هيفشل بسبب مقاطعة جماهير الزمالك” صفحة الزمالك وبس كتبت: “مقاطعة لفيلم ولاد رزق من جماهير الزمالك”.
وكتبت صفحة اتحاد جروبات الزمالك الصورة دى مثلا، حمله ترويجيه عملها ترك ال شيخ اللى هو شتم الاهلى وإدارته وحبىس جمهوره فى وقت سابق وكان بالنسبه لجمهور الاهلى شيطىان اعظم
و ترك ال شيخ هو نفسه اللى جمهور الاهلى بينتقده بسبب موسم الرياض إنه فى عرى وسفه وان بطون المسلمين اولى وعيب تعمل كدا وأخواتنا بيموتوا جنبنا ولو دخلت ع صفحه ترك نفسها هتلاقيهم كاتبين كدا
و نفس الجمهور اللى هاجم ممدوح نصر الله وصباحو والشله دى علشان اخدت دعوات من ترك وحضرت موسم الرياض وانهم كدا باعوا المبدأ والقضيه
دلوقت دلوقت بيستخدم لاعيبه الاهلى فى الترويج اللى بيقدمه لـ فيلم مصرى بإنتاج سعودى
و إداره الاهلى وافقت عادى لطلب ترك اللى شكك فى ذمتهم علشان بس كيد فى الزمالك
بس علشان جابوا افشه وإمام ” اللى شتم الاهلى وجمهوره وادارته ورموزه ” واتقال ف الإعلان قاضيه وبم طخ
بقا الفيديو حراق ونسينا ترك عمل فينا ايه ونسينا موسم الرياض الوحش خالث و اخواتنا اللى جنبنا
فى الاخير، هل جمهور الاهلى دى اول يثبت فيها إنه مدلس وبيتساق ؟ اكيد لا
لو مش بيتساق مكانش شجع الاهلى اصلا
الغندور إعلان فيلم اولاد رزق مثال حقيقي لنشر الفتنة
وكتب الإعلامي خالد الغندور، عبر صفحته على الفيس بوك، ” إعلان لاعبي الاهلي عن فيلم سينمائي هو المثال الحقيقي لنشر الفتنة والتعصب بين الجماهير
مع كل الاحترام لفن السينما وأفلام أولاد رزق وأبطاله المميزين بس مال ده بإعلان لكولر مدرب الاهلي ولاعبي الاهلي والقاضية ممكن وهل ده معناه استفزاز الزملكاوية حتي لا يشاهدوا الفيلم مثلا أو معناه ان المسئولين عن الفيلم قرروا اقحام كرة القدم في فيلم سنيمائي ليس له علاقة نهائيًا بالرياضة والله عيب.
