كشف المنتج مصطفى السويفي خلال لقائه مع ET بالعربي عن خلافه مع المطرب مسلم الذي تسبب في حذف ديو أغنية “مخصماك” مع نوال من منصات الموسيقى.
وقال مصطفى السويفي خلال اللقاء: “أنا صاحب شركة إنتاج والأغنية ملكي فمن حقي أحطها وأشيلها أنا لو مش عايزه يغني مكنتس هجيبه انت طلبت مني تغني الأغنية، فقلت هنعمل ديو بشكل معين”.
وأضاف: “فوجئت بتاعقده مع المنتج سلطان ولقيت الأغنية بتاعتي بتتقفل وبيتطلب مني فلوس عشان أفتحها لأنهم مالكين حق صوته، والأرقام مش قليلة”.
وأوضح منتج أغنية مخصماك: “حسيت بخداع مسلم خدعني ومكنش صريح قالي إنه واخد إذن من الشركة وسلطان الشن يشهد على ذلك عملنا اجتماع ولقيت إن مسلم مكانش مستأذن وفي الأخر الشركة اضطرت تدفع فلوس وحطيتني في موقف وحش قوي”.
واختتم حديثه بتوجيه رسالة لـ مسلم: “اتحايلت عليك كتير قوي تعمل ترويج للأغنية وقت نزولها في إبريل وانت معملتش حاجة مفيش سبب واضح إنك متساعدناش، وانت اللي كنت عايز تغني الأغنية وفجأة لما انتشرت، انت بقيت عايز تاخد النجاح ناحيتك لا أنا اسف مش هسمحلك تاخد النجاح ناحيتك، هي مش ملكك على فكرة هل أنا مديك تنازل عشان تقولي أشيلها ولا مشيلهاش أنا حر”.
يذكر أن أغنية “مخصماك” للمطربة نوال عبد الشافي، حققت نجاحًا كبيرًا، منذ طرحها على موقع الفيديوهات الشهير “يوتيوب”، والتي تخطت حاجز الـ 500 مليون مشاهدة على التيك توك، كما أصبحت الأكثر استماعًا في الفترة الأخيرة وأشاد بها نجوم الفن والغناء وتصدرها المشهد الغنائي في معظم الحفلات والأفراح والمناسبات.
