علقت الفنانة وفاء عامر، على الأحداث المشتلعة بشأن اعتذار الفنان محمد سلام، عن تقديم عرض مسرحية «زواج اصطناعي»، ضمن فعاليات موسم الرياض، لأنه لم يستطع الوقوف على خشبة المسرح مأساة أشقائنا الفلسطنيين داخل قطاع غزة.
وفاء عامر: محمد سلام مش قادر يقف على المسرح
وبحسب «عامر»، في تصريحات متلفزة، عبر فضائية «صدى البلد 2»: “محمد سلام مش قادر يوقف على المسرح، احنا مكبرين المسألة زيادة عن اللزوم، زي ما في واحد يدوس على قطة في الشارع ممكن يعيط زي حالاتي، يعني مرة جالي ضيق شديد لما خبطت حيوان وكنت هموت، في ناس ممكن تقدر وممكن ماتقدرش”.
وبشأن إمكانية مشاركتها في موسم الرياض في الوقت الحالي، قالت أنها لا تستطيع فعل ذلك، وستستغل الوقت للوقوف مع الشعب الفلسطيني، مُعقبة: “أن تصرفات البشر تختلف من شخص لآخر من الممكن أن يقبل فنان وعلى العكس يقبل الأخر، وأنا ممكن أستفيد الوقت دا اللي فيه أخواتنا في فلسطين وعاوزين الناس تقف جنبهم يعني محمد سلام تصرفه مختلف وأنا تصرفي مختلف وأيتن بتعيط ليل ونهار بسبب اللي بيحصل”.
واختتمت وفاء عامر، حديثها في هذا الشأن، قائلة:”بلاش نلوم على حد اعتذر أو مش قادر إحنا الفنانين بنحب أوي وطنا وبيصعب علينا ما يدور سواء في فلسطين أو قبله في العراق أو ليبيا، أنا بقى لي 5 أيام جالي اكتئاب بسبب اللي بيحصل ومحمد سلام مقدرش يكمل ومش متطاول على حد، وفي فنانين قالوا أنه حط علينا وطلع أحسن مننا هي مقدورات أنا أقدر بس ممكن غيري مايقدرش”.
