لا سبيل للبراءة.. السجل الجنائي لمنة شلبي يُسطَر به جناية مخدرات بحكم نهائي

حاولت الفنانة منة شلبي التخلص من جناية المخدرات التي سطرت في سجلها الجنائي، عقب صدور حكم محكمة الجنايات بالحبس سنة مع الإيقاف بتهمة حيازة المخدرات بقصد التعاطي، وغرامة 10 آلاف جنيه، وذلك بالطعن على الحكم أمام محكمة النقض، إلا أن قاضي الجلسة أقر بحكم الجنايات ورفض تخفيفه أو تبرءتها وأيد العقوبة.

وعلى الرغم من انكار منة شلبي للتهم الموجهة لها كما جاء في اعترافها أمام رجال النيابة العامة حيث قالت: أنا كنت مسافرة نيويورك وأثناء وصولي مطار القاهرة مررت على الجمارك وأنا خارجة، وكان معايا 3 شنط والدنيا كانت زحمة وأنا حطيت الشنط اللي معايا على السير عشان يتشاف فيها إيه”.

وتابعت منة شلبي في اعترافاتها: لقيت واحد من اللي واقفين في الجمرك بيقولي معاكي فيب سيجارة إلكترونية، فأنا قلتله إني أنا بدخن فيب، وكنت بفتح الشنطة عشان أوريله الفيب، فلاقيت واحد تاني جه وقالي إحنا هنفتح بقية الشنط نشوفها، وأنا وافقت وقلتله اتفضل وقعد يقلب في الشنط، وبعدين جه واحد تالت كان بيفتش معاهم وأنا طلعت الفيب السجائر الإلكترونية، وواحد منهم قالي ممكن تقعدي شوية.

وأكملت منة شلبي: بعدها الجمارك قالولي انتي معاكي كوكايين، قلتله أنا مش بشرب الحاجات دي أصلا، وبعدين قالولي طيب استني شوية، وبعدين أنا بقيت سامعة كلام كتير بره، وبعد ساعتين تلاتة لقيتهم بيقولولي أطلبي المحامي بتاعك، فبقولهم إيه اللي حصل قالولي انتي معاكي ماريجوانا.

إلا أن المحكمة لم تأخذ بشاهدتها أو بدفوع محاميها الذي دفع ببطلان التفتيش لأنه تم في غيابها، وأصدرت محكمة الجنايات حكم حبس منة شلبي وأيدته محكمة النقض، وبذلك فلا سبيل للبراءة أمام منة شلبي، وسيطر الحكم الجنائي في صحيفتها الجنائية.