جثة في7 شكائر.. تفاصيل مقتل “كريم” وإلقائه في النيل بكفر شكر

خلال الأيام الماضية شهدت منطقة كفر شكر مقتل طالب كريم على يد ابن عمه حيث ذبحه ووضعه في 7 شكائر ورماه في النيل من 9 شهور.

كريم عمرو غازى طالب بالمرحلة الإعدادية بإحدى المدارس الخاصة بمدينة كفر شكر بمحافظة القليوبية خرج منذ تاريخ 28/11/2022 مع ابن عمه “جاسر” 17 سنة، ليذهبا إلى أحد الأفراح بالمنطقة ومنذ ذلك التاريخ تغيب كريم  ولم يتم العثور عليه بدأت اسرة “كريم” في البحث عنه ويبحث معهم ” جاسر لتكتشف الأسرة والمباحث أنه وراء ارتكاب الواقعة منذ تغيبه من 9 شهور.

كشفت والدة كريم تفاصيل الواقعة من خلال  حديثها لبلدنا اليوم: ابنى خرج مع ابن عمه كان رايحين فرح وخرج من الفرح الساعة 10 باليل وروحنا شوفنا كاميرات لقينا داخل هو وابن عمه المعلف وكنت عامله محضر تغيب منذ 9 شهور وبحثت على النت وفي كل مكان ومفيش نتيجة وبعد 9 شهور روحت مديرية الأمن وقابلت “اللواء محمد السيد” وطلبت أن اعمل محضر فى جاسر قالى انتى هنا مبتعمليش محاضر انتى بتشتكى ظابط او أمين شرطة قولتلو بشتكى مركز كفر شكر  أبنى متغيب من تاريخ 28/11/2022 ومش عارفة هو فين لحد النهاردة وبعد يومين توجه اللواء محمد السيد لمركز كفر شكر وحكيتلة قالي مش همشي غير لما أعرف كريم فين وشكه في جاسر أن وراء تغيب كريم وجاسر اعترف أن هو اللى قتل كريم ومثل الجريمة وهو على التروسيكل وقال انا طعنته طعنه في رقبته وطعنتين فى بطنه حسبى الله ونعم الوكيل.

وقالت والدة كريم: من شهرين من قبل ما كريم يختفى كان جاسر كل يوم يجي عندنا مكنش لينا علاقه بيهم نهائى كانوا متربصين لكريم جاسر قتل كريم علشان الورث معنديش غير كريم على 3 بنات وقالت انا من اول يوم وانا شكيت أن جاسر هو وراء اختفاء كريم  ومامت جاسر المتهم جات وانا بصوت وبقول كريم مش موجود بقيت توجهني على أماكن متخلفة ميت غمر وبنها ولقينا البلد كلها وخفت جاسر 15 يوم وهى اللى بقت تجيلي كل يوم وجاتلى هي وابنها الكبير وبتقولي كان فى موضوع خرفان وماعز وبقولها خرفان وماعز ايه ومين صاحب الخرفان وماعز قالتلى معرفش قولتلها ازاى هدخلى حد معلفك وانتى مش عارفة مين الشخص ده اتارى مفيش خرفان وهو كريم ابنى قتلو في المعلف وطعنوا طعنه فى رقبته وطعنتين فى بطنه وحطوا فى 7 شكائر وده بعلم والد والدة جاسر  ووالدته هى اللى مسيطرة عليه هو في ولد عنده17 سنة يعرف يربط وشيل هما مشتركين في الجريمة وبعدين رماه فى أسنيت وأتصلت على صاحب التروسيكل الأول بقوله أيه الخرفان وماعز دى رمتها فين قالى أم جاسر قالتلى تعالي ارمى الخرفان وماعز ميته ومفيش خرفان هو جاسر ابنى بيرمو فى المياه مكنتش متوقعة موته بقالى 10 شهور لحد ما عرفت كريم فين انا والله مش عارفه اعيط حسبى الله ونعم الوكيل انا بطلب القصاص عايزة حق كريم يرجع كريم ابنى ممتحنش الأعدادية كان في مدرسة تجريبى هو وأخواته كان في ثالثة أعدادية ملحقش يمتحن انا عايزة حق كريم زي ما دبحه ورماه في المياة يموت زيه هو ده يعرف يخيط 7 شكائر ويربطوا ويرمى فى المياه ودماء اللى على الحيطان عيل زى ده 17 سنة يخطط لكل ده لوحده عايزة حق كريم.

أضافت جدت كريم: مامت كريم كنت عندى في أسنيت ولما روحت البيت فضلت ترن على كريم موبايل مقفول فضلوا يدورو هنا وهنا مش عارفين مكان كريم جابوا جاسر وسألو فين كريم قال ده كان معاية ومعرفش راح فين فضلوا يتوهه فيها الفترة دي كلها ويقوله ده في الناس شايفه في بنها ومرة في الشرقية واحنا قولنا يمكن ماشى مع عيال مش كويسة وهيرجع لوحده بقينا نتصل بجاسر وأم جاسر بقيت تيجى تقعد معاها وتقولها انا شوفته ماشى مع فلان وشوفنا على موتوسيكل توهنا الفتره دى أمه معاه وكل الناس قالت كدا والدة جاسر معاه ومتصلة بصاحب التروسيكل وقلتله تعالى شيل الخرفان ميته وهو كان كريم  رابطين كريم رماه عندنا بكوبرى أسنيت عند بيت جدة.

وتابعت جدة كريم: “أنا عرفت أن كريم مات وفضلت أصرخ وقول كريم مات وجوزي متوفى من 10 أيام جد كريم لما عرف أن كريم مات منطقش توفى هى نومه عايزين القصاص ويترمي زى ما رماه 9 شهور فى عز الشتاء ده اللى طالبينه كريم مش لاقين جثته في المياه احنا عايزين عضم بندور على عضم لحد النهاردة وكريم خلاص راح عند الأحسن مننا كلنا بس فين عضمه نقرا الفاتحه ازاى عليه نعمل كل ده فين انا بطلب من الرئيس السيسى والنائب العام حق كريم ميضعش حق كريم لو ضاع يبقى عوضنا على الله كلنا فى بعضينا عايزين حق كريم.