حذر أحد ملاك كمبوند أزهي بالعين السخنة من الشراء بالكمبوند أو الحجز في مشروع الشركة بالساحل الشمالي، بعد تجربته بالسخنة.
وقال أحد الملاك في منشور ساخر له على جروب الملاك “بالفيسبوك” بالنسبة للي بيفكر يشتري في أزهي السخنة أو الساحل، أحب بس اقولك انك لازم تاخد رأي الورثة في الموضوع علشان الموضوع ممكن يطول شويه ومش شرط انت اللي تستخدمها.
وكشف ان بعد مرور 5 سنوات من حجزه لشاليه بكمبوند أزهي السخنة، فوجيء ان الشركة قررت تسليمه الوحدة دون الانتهاء تنفيذ اللاجون الفيو الخاص بالشاليه.
تجاهل إدارة أزهي لشكاوي العملاء
وتابع منشوره التحذيري قائلًا: “طيب افترضنا انهم انتهوا مم اللاجون بعد عامين يبقي كده بعد 7 سنين، يعني وانت بتشتري ماتبصش لنفسك دلوقتي بص ليها كمان 7 سنين، ياتري هاتبقي لسه عايز الجيم وملعب البادل والكورة وkids area ولا خلاص كبروا”.
وختم قائلًا: “الاسوء من كده ان مافيش حد هايعبرك لما تسأل عن موعد الاستلام، تعمل طلب على الابليكشن يقفلوه من غير ما يردوا انا جايب وحده علشان استجم مش علشان اجري وراكم، ياتري لما تخلص اللاجون هتبقي محتاج تتعالج لما تنزلها زي لاجون المرحلة الأولي، اي حد بيفكر يشتري يفكر كويس”.
