نشر سمو الشيخ ناصر بن حمد آل خليفة، مُمثل جلالة الملك للأعمال الإنسانية وشؤون الشباب قصيدة وصور تجمعه بسمو الشيخ محمد بن راشد آل مكتوم نائب رئيس دولة الإمارات العربية المتحدة رئيس مجلس الوزراء حاكم دبي، في حساب سموه الشخصي على «الانستغرام».
وقال سمو الشيخ ناصر بن حمد آل خليفة في القصيدة:
البارحة قلت اتفكر في الجبال
من منطلق تذكير نفسي كل ليل
ولا ذكرت من الرجال الا الرجال
اللي الى كثروا على الدنيا قليل
مثلك يابن مكتوم وانت ابلغ مثال
على ان ثبات الارض يربط بالثقيل
مواقفك ماظن يلحقها جدال
وفعايلك فالكون مامعها مثيل
انت الثقيل اللي يشيل إمن الثقال
وانت الجزيل اللي مايرضى بالهزيل
وانت الشجاع اللي ليامن قال طال
وانت السليل اللي تسلسل من سليل
قدرك على راسي مثل لبس العقال
وان ميل اعقالي فقدرك مايميل
وانا معك في سلم ولا في قتال
مصيرنا واحد وممشانا طويل
من بيننا مافيه قيل وفيه قال
دام الوفا من بيننا وقت الحصيل
حنا روابطنا على طول الليال
تبقى وحن نبقى على المبدا النبيل
واكبر دليل اني الى شفت العيال
اشوف فيهم دمك اللي بالفصيل
مادامهم مابين جد وبين خال
فاابشر بهم لاعودت خيل وصهيل
وانا الرفيق اللي معك ولا ازال
باقي على عهد الوفا حتى الرحيل
والى تنافسنا على صعب المنال
عاداتنا دايم نعشق المستحيل
وتبقى علاقتنا على روس الطوال
ماهو يزعزعها هجن وسباق خيل
